Қазақстанда «Бизнеске жол» жобасы аясында бизнестің 400-ден аса мәселесі шешілді, деп хабарлады Антикор.

Антикор мен «Атамекен» ҰКП бірлескен кеңесінде «Бизнеске жол» жобасын іске асырудың аралық қорытындысы жасалды.

Соңғы жарты жылда Сыбайлас жемқорлыққа қарсы қызметтің ұсынымдары бойынша 20 мың кәсіпкерді қамтыған бизнестің 400-ден аса проблемалық кейсі өз шешімін тапты.

Кәсіпкерлер үшін әкімшілік кедергілердің ең көп саны жер қатынастары саласына және инфрақұрылым объектілеріне қосылу болып саналады.

Сондай-ақ салық және мемлекеттік сатып алу жүйелерінде біраз проблема бар.

Кәсіпкерлер көбінесе орындалған шарттар үшін уақтылы төлем ала алмаған. Сыбайлас жемқорлыққа қарсы қызметтің араласуынан кейін 220 бизнес субъектісінің алдындағы қаржылық берешектері толық өтелді.

Бұл проблеманы жою үшін Қаржы министрлігіне мемлекеттік сатып алу порталының функционалын пысықтау ұсынылды. Ол төлемнің кешігуін автоматты түрде анықтауы керек.

Сонымен қатар аккредитив мысалында қаржылық кепілдіктер жүйесін және лауазымды тұлғалардың заңбұзушылықтары үшін әкімшілік жауапкершілік мәселелерін енгізу ұсынылды.

Жоба аясында бизнес үшін жүйелі әкімшілік кедергілерді жоюға ерекше назар аударылады. Мысалы, жер комиссияларының отырыстарында әкімдіктердің жерді жалға алуды ұзарту мәселелерін заңсыз қарау фактілері алынып тасталды. Бұл ретте комиссияның заң бойынша мұндай өкілеттіктері болмайды.

Сондай-ақ агенттіктің аумақтық департаменттерінің ұсынымдары бойынша бақылаушы органдардың жоспарларынан 360 кәсіпкердің қызметінде негізсіз тексерулер алынып тасталды.

Жергілікті атқарушы органдар тарапынан мониторинг түріндегі жеке бақшаларды негізсіз тексеру тоқтатылды.

Осы бағыттағы жұмыстар жалғасып жатыр. Агенттіктің департаменттері «Сыбайлас жемқорлық тәуекелдерінің карталарын» ескеріп, бүгінде бизнес құқығына нұқсан келтірген салалар бойынша жемқорлыққа қарсы мониторингтер мен тәуекелдеріне талдау жүргізеді.