Каспий жағалауындағы өртті мамандар үш күннен бері сөндіре алмай жатыр, деп хабарлады Атырау облысы ТЖД қоғаммен байланыс тобы.

Бүгін, 9 шілдеде теңіз жағалауындағы қамыс өртінің аумағы тағы ұлғайды.

Атырау облысындағы Каспий теңізінің жағалауында өртенген қамыстың аумағы 690 гектарға жетті. Аэровизуалды барлаудың нәтижесінде жаңа өрт ошақтары анықталмады. Алайда қамыс бықсып жатыр, - деп жазылған хабарламада.

Бүгін таңғы сағат 08:30-дағы ақпаратқа сәйкес «Казавиақұтқару» АҚ-ның СТҚ-5 қондырғысы бар МИ-8 тікұшағымен 11 рет су төгілді.

Өртті сөндіруге облыстық ТЖД мен «Ақжайық» мемлекеттік табиғи резерватынан, «Казавиақұтқару» АҚ-дан 97 адам, 15 техника, 4 мотопомпа жұмылдырылды.

Каспий жағалауындағы өрт 6 шілдеде басталған.