Бүгін елордада Астананың 25 жылдығына орай бәйге өтті. Дүбірлі доданы Астана қаласының әкімдігі, ҚР Ұлттық спорт Қауымдастығы мен республикалық «Бәйге» федерациясы ұйымдастырды. 

Жарысты тамашалауға бәйге сүйер қауымнан бөлек, ҚР Ұлттық спорт Қауымдастығының вице-президенті Тастанбек Есентаев, республикалық «Бәйге» федерациясының президенті Қанат Көпбаев, Астана қаласының ұлттық және олимпиадалық ат спорт түрлері федерациясының президенті Ерлан Каналимов арнайы келіп қатысты.

Еліміздің барлық облыстары мен қалаларынан 131 таңдаулы жүйріктер «Қазанат» атшабарында бақ сынады. Адуынды сәйгүліктер жеті шақырымдық «құнан» бәйге мен «жорға» жарысы, 15 шақырымдық «топ» бәйге және 22 шақырымдық «аламан» бәйге бойынша сынға түсіп, жалпы жүлде қоры – 30 миллион теңгені сарапқа салды.

Сонымен, жарыс нәтижесі бойынша:

Құнан бәйге. 7 шақырым.

• 1-орын. Абзал Тұрғанбек, Алматы облысы; 
• 2-орын. Амангелді Хамза, Астана қаласы; 
• 3-орын. Ділнұр Нұрмұқаш, Алматы облысы.

Топ бәйге. 15 шақырым. 

• 1-орын. Абзал Тұрмыс, Алматы облысы; 
• 2-орын. Абдықал Асланбек, Астана қаласы; 
• 3-орын. Абзал Тұрғанбек, Алматы облысы.

Жорға бәйге. 7 шақырым. 

• 1-орын. Сұңқар Қасымханов, ШҚО;
• 2-орын. Алия Асқарова, Астана қаласы; 
• 3-орын. Эдуард Штихлинг, Абай облысы.

Аламан бәйге. 22 шақырым.

• 1-орын. Ділнұр Нұрмұқаш, Алматы облысы; 
• 2-орын. Боранбай Абдрахман, Атырау облысы;
• 3-орын. Асылжан Төлегенов, Жетісу облысы.

Сондай-ақ, аталмыш жарыста ҚР Ұлттық спорт Қауымдастығының ұйымдастыруымен Қостанай тұқымы жылқылары арасында да бәйге өтті. Мұндағы негізгі мақсат – жалғыз қазақстандық жылқы тұқымы – Қостанай тұқымын қолдау және дамыту болып табылады.

Жүлде қоры 16 миллион теңгені құраған Қостанай тұқымы жылқылары арасындағы додада шабандоздар «Ұшқыр бәйге», «Құнан бәйге», «Аламан бәйге» бойынша сынға түсті.

Қостанай тұқымы жылқылары арасындағы бәйгенің жеңімпаздарына келер болсақ:

Ұшқыр бәйге. 1400 м. 

• 1-орын. «Самғау» есімді тұлпар, шабандозы – Байқұрман Сабыржан, Ақмола облысы;
• 2-орын. «Быстрая Звезда» есімді тұлпар, шабандозы – Жанат Жасұлан, Қостанай облысы; 
• 3-орын. «Шаңтимес» есімді тұлпар, шабандозы – Клишов Рустем, Ақмола облысы.

Ұшқыр бәйге. 2400 м.

• 1️-орын. «Рибека» есімді тұлпар, шабандозы – Байқұрман Сабыржан, Ақмола облысы;  
• 2️-орын. «Сардар» есімді тұлпар, шабандозы – Өтеген Қуаныш, Қостанай облысы;
• 3️-орын. «Коржик» есімді тұлпар, шабандозы – Қоныспаев Ерасыл, Қостанай облысы; 

Құнан бәйге. 7000 м. 

• 1️-орын. «Қаңтар» есімді тұлпар, шабандозы – Туребаев Асқар, Қостанай облысы; 
• 2️-орын. «Нұрберген» есімді тұлпар, шабандозы – Харитонов Тимур, Қостанай облысы; 
• 3️-орын. «Фаина» есімді тұлпар, шабандозы – Ахмет Нұрасыл, Қостанай облысы. 

Аламан бәйге. 20 000 м.

• 1️-орын. «Тайфун» есімді тұлпар, шабандозы – Қаиыржан Әлихан, Қарағанды облысы; 
• 2️-орын. «Либерия» есімді тұлпар, шабандозы – Евтюхов Кирилл, Қостанай облысы;
• 3️-орын. «Гүлжайна» есімді тұлпар, шабандозы – Харитонов Тимур, Қостанай облысы.

Айта кетейік, турнирдің Бас серіктесі – «Самұрық Қазына» АҚ, ал серіктесі – «Sportqory» спортты қолдау қоры болып табылды.