Павлодар облысында «Ертіс орманы» басшысының орынбасарына сот үкімі шықты, деп хабарлады Қаржылық мониторингі агенттігі.

Агенттік мәліметінше, «Ертіс Орманы» резерваты бас директорының орынбасары ағаш дайындаушылардың бірінен 1 млн теңге көлемінде заңсыз сыйақы алған. Ақша оның шотына аударылыпты.

Ақша қамқорлық жасауға және орманды тазарту бойынша жұмыстың жаңа көлемін алуға берілген. Басшының орынбасары ақшаны жеке басына пайдаланған, - деп жазылған хабарламада.

Сот бас директордың орынбасарын 2 жылға орман шаруашылығы саласында басшылық қызметті атқару құқығынан айырып, 1 жылға бас бостандығын шектеді.