2023 жылғы 1 шілдедегі жағдай бойынша жалпы республикамыз бойынша 160 балаларды сауықтыру ұйымына санитариялық қағидалар мен гигиеналық нормативтердің талаптарына сәйкестігі туралы санитариялық-эпидемиологиялық қорытынды берілді.

ДСМ Санитариялық-эпидемиологиялық бақылау комитетінің мәліметінше, 160 балаларды сауықтыру ұйымы ішінде 157 лагерь жұмыс істейді.

Атап айтқанда,

• Абай облысында – 12;
• Ақмола облысында – 12;
• Ақтөбе облысында – 8;
• Алматы облысында – 14;
• Атырау облысында – 2;
• ШҚО-да – 12;
• Жамбыл облысында – 11;
• Жетісу облысында – 6;
• БҚО-да – 13;
• Қарағанды облысында – 10;
• Қостанай облысында – 8;
• Қызылорда облысында – 9;
• Маңғыстау облысында – 3;
• СҚО-да – 10;
• Түркістан облысында – 17;
• Павлодар облысында – 7;
• Алматы қаласында – 2;
• Шымкент қаласында – 1.

Санитариялық-эпидемиологиялық қорытынды алу үшін тапсырылған 4 өтініш (Ақмола облысы – 1, Қарағанды облысы – 1, СҚО – 2) қарастырылып жатыр. Ал 9 өтінішке қатысты (Ақмола облысы – 1, БҚО – 4, Түркістан облысы – 4) санитариялық-эпидемиологиялық қорытынды беруден бас тартылды.

Олар:

• Ақмола облысында «Самұрық» балаларды сауықтыру орталығы;
• Батыс Қазақстан облысында Казталов ауданының «Ақкөл» балалар шығармашылығы және жаңа технологиялар орталығы» МКҚК жанындағы лагерь;
• Казталов ауданының «Ақпәтер» балалар шығармашылығы және жаңа технологиялар орталығы» МКҚК жанындағы лагерь;
• Казталов ауданының «Ақкөл» лагері;
• «Атамекен» балаларды сауықтыру лагері» МКҚК;
• Түркістан облысында «Балалар мен жасөспірімдер шығармашылығы орталығы» сауықтыру лагері;
• «Ерке» сауықтыру лагері;
• «Машат-Арасан» сауықтыру лагері;
• «Алпамыс-М» өңірлік балалар оқу-сауықтыру орталығы.