Алматыда тағы да қару-жарақ қоймасы табылды
Мылтықтар мен оның патрондары Көкқайнар шағын ауданынан шықты
фото: polisia.kz
Алматы қаласында тағы да қару-жарақ табылды.
Polisia.kz-тің хабарлауынша, Алматы қаласы бойынша қылмыстық-атқару жүйесі департаментіне қарасты №72 мекемесінің (Тергеу изоляторы) қызметкерлері ұйымдасқан қылмысқа қарсы күрес басқармасының қызметкерлерімен бірігіп, Көкқайнар шағын ауданынан қару-жарақ қоймасын тапты.
Жедел-іздестіру іс-шарасында Сайга және МР-18 ЕМ-М тегіс ұңғылы мылтықтары, 7 оқ-дәрі табылды.
Оқиға орнына Алатау ауданы полиция басқармасының жедел-тергеу тобы шақырылып, олар зерттеу жұмыстарымен айналысып жатыр.
