Белгілі әнші Төреғали Төреәлінің қорғаушылары оның құқығы бұзылғанын айтып, тәуелсіз наркологиялық сараптаманың қорытындысын күтетіндерін мәлімдеді.

Желіде тараған видеода әншінің екі адвокаты емделуші дәрігерлермен және полиция қызметкерлерімен дауласып, қан алуды талап етіп жатыр.

«Оның алдын ала алмайсың. Одан көшеде қалай қан алады? Көшеде қан алуға болады деп қай жерде жазылған? (...) Оның қанын алу керек. Бұл оның құқығы. Оның құқығын бұзуға құқығыңыз жоқ. Мұнда полицейлер оның қанын алуға жол бермей жатыр», - дейді әншінің қорғаушыларының бірі.

Бұған дейін белгілі әншінің қорғаушыларының бірі Тілеужан Кішкенебаев Төреәліден тек зәр талдауын алып, оның нәтижесі бойынша асығыс қорытынды бергенін айтқан болатын. Кейін қорғаушылар тәуелсіз сараптаманың нәтижесі 3 күннен кейін шығатынын айтты.

Видеоға пікір білдірушілер әншінің қорғаушыларының бұл әрекетіне қарсы шығып, Төреғалиды кінәлады.