Батыс Қазақстан облысында 7 жастағы қыз жол апатынан көз жұмды, деп хабарлады Halyq Uni тілшісі.

Полиция мәліметінше, 15 маусымда сағат 09:00 шамасында Жымпиты – Қаратөбе автожолының 75-шақырымында көлік апаты болған. «Лада-2114» көлігін тізгіндеген 40 жастағы жүргізуші мас күйде рульге ие бола алмай аударылған.

 Көлік апаты салдарынан 2016 жылғы қыз бала Сырым ауданының орталық ауруханасына жеткізілді. Ол сонда көз жұмды, – деді БҚО ПД Әкімшілік полиция басқармасы бастығының орынбасары, полиция майоры Олжас Ибрайымов.

Аталған факті бойынша Қылмыстық кодекстің 345-бабы 3-бөлігіне сәйкес сотқа дейінгі тергеу амалдары жүргізіліп жатыр.