Еркін күрес шеберлері турнирде 1 күміс, 4 қола медаль алды
Қырғызстанда рейтингтік жарыс аяқталды
фото: ашық дереккөз
Қырғызстанның Бішкек қаласында Қожамқұл Қабаұлы мен Ратбек Санатбаев атындағы күрестен рейтингтік турнир аяқталды. Турнирдің соңғы күні еркін күрестен ұлттық құрама 1 күміс, 4 қола медаль жеңіп алды.
Сырбаз Талғат (70 келі) аса тартысты финалда қырғыз балуаны Орозобек Токтомамбетовке есе жіберді. Есеп – 3:2. Ал Мейрамбек Қартбай (57 келі), Жігер Закиров (79 келі), Азамат Дəулетбеков (86 келі) қола жүлдеге ие болды.
Осының алдында еркін күрестен 97 келіге дейінгі салмақта Нұрсұлтан Азов қола алған болатын.
