Шымкентте мектеп допты 232 мың теңгеге сатып алмақ болған
Мемлекет қаржысының орынсыз жұмсалуына жол берілмеді
![](https://halyq-uni.kz/cache/imagine/1200/uploads/news/2023/05/25/646f49a1de3e6669239122.jpg)
Шымкентте мектеп баскетбол добын 232 мың теңгеге сатып алмақ болған. Бұл туралы Сыбайлас жемқорлыққа қарсы іс-қимыл агенттігі Шымкент қаласы бойынша департаментінің басшысы Дәурен Ерғарин айтты, деп хабарлады Halyq Uni тілшісі.
Білім басқармасы №90 дарынды балаларға арналған мамандандырылған мектеп-гимназиясының мемлекеттік сатып алу жоспарында 2,7 млн теңгеге 20 доп алуды бекіткен. Әр тауардың 2-ден 10 есеге дейін асыра бағаланып, есептелгені анықталды. Мемлекеттік мекеме баскетбол добын 232 мың теңгеге, ал волейбол добын 42 мың теңгеге сатып алуды жоспарлаған, - деп жазды Дәурен Ерғарин Facebook-тегі парақшасында.
Антикордың тексерісі нәтижесінде 2,2 млн теңге үнемделді.