АҚШ Флорида штатының губернаторы Рон ДеСантис 2024 жылы Америка Құрама Штаттарының президенттігіне Республикалық партиядан үміткер ретінде қатысатынын ресми түрде мәлімдеді.

Ол АҚШ Федералдық сайлау комиссиясына өтініш тапсырды.

ДеСантистің жасы 44-те. Ол Флорида штатының губернаторы қызметін 2019 жылдан бері атқарып келеді. Бұған дейін, яғни 2013-2018 жылдар аралығында осы штаттан АҚШ Конгресі Өкілдер палатасының мүшесі болған. Ол республикашыл кандидаттардың арасында бұрынғы президент Дональд Трамптың қарсыласы болып саналады.

ДеСантис – республикашылдар арасында өте танымал. Ол Йель және Гарвард университеттерін бітірген. Заңгер мамандығын алған. 2004-2019 жылдары АҚШ Әскери-теңіз күштерінде қызмет етті.