×

Жетісу облысында 6 полицей қызметінен босатылды

Жетісу облыстық полиция департаментінің Тәртіптік комиссиясы өткен жұмада сыбайлас жемқорлыққа қатысты құқықбұзушылыққа жол берген бірқатар немқұрайлы полиция қызметкерін жұмыстан қуды.

 Халық үні 14.05.2023 | 20:34
Фото: 24.kz

Жетісу облысының полиция бөлімінде полиция қызметкерлері сыбайлас жемқорлыққа қатысты құқықбұзушылық жасады деген күдікке ілініп, қызметтен жаппай босатылды, деп хабарлады orda.kz.

Жетісу облыстық полиция департаментінің Тәртіптік комиссиясы өткен жұмада сыбайлас жемқорлыққа қатысты құқықбұзушылыққа жол берген бірқатар немқұрайлы полиция қызметкерін жұмыстан қуды.

Мәселен, Жетісу облыстық ІІД Жергілікті полиция қызметі бастығының орынбасары Олжас Отаров, Жетісу облыстық полиция басқармасының кадр жұмысы жөніндегі аға инспекторы Мұратхан Маркс, Талдықорған қалалық ІІБ бастығының орынбасары Марат Түсіпбеков және техникалық инженер (жетондар мен бейнебақылау камераларын беретін) Дамира Әмірханова жұмыстан кетті.

Сонымен қатар, Талдықорған қалалық ІІБ патрульдік полициясының тағы екі инспекторы Марат Мақұлжанов пен Нұрбол Есімбеков ішкі істер органдарынан қуылды.

Ішкі қауіпсіздік басқармасының таныстыруынан кейін жоғарыда аталған полицейлердің барлығы жазаланды. Олар жол ережесін бұзушыларды бопсалады және жауапкершіліктен жалтарды деген күдікке ілінді.

Серіктес жаңалықтары

Сараптама