Сүйінші! Санжар Тәшкенбай әлем чемпионы атанды!
Боксшы ел қоржынына алғашқы алтын жүлдені салды
Фото: Қазақстан бокс федерациясы
Өзбекстанның астанасы – Ташкент қаласында бокстан ерлер арасында өтіп жатқан әлем чемпионатында Санжар Тәшкенбай жеңіске жетті, деп хабарлайды Halyq Uni тілшісі.
Қазақ боксшысы 48 келіге дейінгі салмақта грузиялық Сахил Алахвердобимен алтын жүлдені сарапқа салған болатын.
Бірінші раундта төрешілер басымдылықты Санжар Тәшкенбайға берді. Екінші кезеңде Санжар сол басымдылығын сақтап қалды. Қорытынды есеп – 5:0.
Осылайша, Санжар Тәшкенбай 19 жасында тұңғыш рет әлем чемпионы атанып, Қазақстан қоржынына алғашқы алтын жүлдені салды.
