Талдықорғанда кәмелетке толмаған баланы тонады деген күдікпен 33 жастағы ер адам ұсталды, деп хабарлады Polisia.kz.

Бұл дерек бойынша жасөспірімнің анасы арыз жазды. Ол 17 жастағы ұлын ұрып-соғып, ұялы телефонын тартып алған белгісіз адамды қылмыстық жауапкершілікке тартуды талап еткен.

Жедел-іздестіру іс-шаралары барысында тәртіп сақшылары күдіктіні анықтап, қалалық полицияға жеткізді.

Ұсталған азамат бұрын осыған ұқсас құқықбұзушылық жасағаны үшін сотталған ер адам болып шықты.

Қылмыстық кодекстің 191-бабына сәйкес («Тонау») іс қозғалып, тергеу амалдары жүргізіліп жатыр.