Өзбекстан астанасы Ташкент қаласында өтіп жатқан әлем чемпионатының бесінші жарыс күнінде Нұрбек Оралбай (80 келі) алғашқы жекпе-жегін өткізді, деп хабарлайды ҚазАқпарат.

Қазақстандық спортшы әзербайжандық Мұрад Аллахвердиевпен қолғап түйістірді. Қарсыласы жастар арасында Еуропа чемпионы атанған.

Жекпе-жек барысында Нұрбек жинақы қимыл көрсетті. Нәтижесінде төрешілердің бірауыздан шешімімен қарсыласынан басым түсті.

Енді ел құрамасынан оның ағасы Айбек Оралбай (92 келі) италиялық Азиз Аббес Мухийдинмен шеберлік байқасады.

Сондай-ақ, бүгін Серік Теміржанов (57 келі) алғашқы жекпе-жегінде жеңіске жетті.

Айта кетсек, қазірге дейін ел құрамасынан Талғат Сырымбетов (60 келі) Санатәли Төлтаев (63,5 келі) жарыс жолынан шығып қалды.