Боксшы Серік Теміржанов әлем чемпионатын жеңіспен бастады (ВИДЕО)
Отандасымыз Малидің спортшысы Абдул Карим Батилиді ұтты
фото: ашық дереккөз
Өзбекстанның Ташкент қаласында бокстан ересектер арасында өтіп жатқан әлем чемпионатында Қазақстан ұлттық құрамасының 57 келі салмақтағы өкілі Серік Теміржанов жарысты жеңіспен бастады.
Ол 1/16 финалда Малидің спортшысы Абдул Карим Батилимен жұдырықтасты. Тартысты өткен жекпе-жекте боксшымыз төрешілердің шешімімен 5:0 есебімен жеңіске жетті. Осылайша, тағы бір боксшымыз 1/8 финалға шықты.
Айта кетсек, Серік Теміржанов – 2021 жылғы әлем чемпионатының және 2022 жылғы Азия чемпионатының жүлдегері.
