Тағы төрт жолаушы жараланды
Түркістан облысында автобус пен жеңіл көлік соқтығысты. Жол апатынан 3 адам қаза тауып, 4 адам жарақат алды.
Жол апаты Сарыағаш-Шымкент тас жолында болған. Полиция қызметкерлері анықтағанындай, сағат 19:00 шамасында 30-ға жуық жолаушысы бар Yutong маркалы автобус Шымкентке бара жатқанда, қозғалыс жолағына қарсы беттен шыққан Audi 100 маркалы автокөлігі келіп соққан.
Жол апаты салдарынан Audi 100 автокөлігінің жүргізушісі мен көліктегі 2 жолаушы оқиға орнында көз жұмған. Автобустағы 4 жолаушы түрлі жарақат алып, аудандық ауруханаға жеткізілген.
Қазір оқиғаның мән-жайы мен қайтыс болғандардың жеке-басы анықталып жатыр.