Қазақстандықтар шілдеде неше күн демалады?
Үкімет Астана күніне байланысты қаулы қабылдады
Фото: martebe.kz
Үкімет Елорда күніне орай демалыс күнін ауыстыру туралы Қаулы қабылдады, деп хабарлады Halyq Uni тілшісі.
Жұмыс уақытын ұтымды пайдалану мақсатында Үкімет тиісті қаулы қабылдап, биылғы 1 шілде, сенбідегі демалыс күнін 7 шілдеге, жұма күніне ауыстырды. Осылайша, бес күндік жұмыс аптасында қазақстандықтар Астана күніне 6, 7, 8 және 9 шілдеде, яғни төрт күн қатарынан демалады. Сенбі, 1 шілде жұмыс күні болады.
Демалыс күнін ауыстыру жұмыс істейтін қазақстандықтар үшін мереке күндері уақыттарын алдын ала жоспарлауға мүмкіндік береді.
