23 сәуірге арналған ауа райы болжамы жарияланды
Жетісу облысының орталығында -3 градус аяз сақталады
Фото: life09.kz
«Қазгидромет» РМК 23 сәуірге арналған ауа райы болжамын жариялады.
Синоптиктердің мәліметінше, Қара теңіз аудандарынан шыққан циклон және онымен байланысты атмосфералық ағындардың ықпалымен республиканың басым бөлігінде жаңбыр жауады. Тек елдің оңтүстік-шығысында, шығысында, оңтүстік-батысында күн жауын-шашынсыз болады.
Қазақстан бойынша жел күшейіп, батыста, солтүстікте, орталықта найзағай ойнайды, шығыста тұман түсіп, оңтүстік-батыста шаңды дауыл тұрады.
Түнде Жетісу облысының орталығында -3 градус аяз сақталады.
