Ұлттық құрама 10-орыннан бірден 6-орынға шықты
Билли Джин Кинг кубогының жаңартылған рейтингінде Қазақстан әйелдер құрама командасы 10-орыннан бірден 6-орынға көтерілді. Теннистен ұлттық құрама АҚШ, Германия, Италия, Румыния, Бельгия, Ұлыбритания секілді командаларды артта қалдырды.
Жақында Қазақстан әйелдер командасы Астанада өткен Билли Джин Кинг кубогының іріктеу кезеңінде Польша теннисшілерін 3:1 есебімен ұтып, командалық әлем чемпионатының финалдық кезеңіне жолдама алған болатын. Бұл кездесуде Елена Рыбакина мен Юлия Путинцева жекелеген сында поляк қарсыластары Магда Линетт пен Вероника Фальковскаяны ұтты.