Өзбекстаның Ташкент қаласында көркем гимнастикадан өткен Әлем кубогы үшін турнирде Қазақстан құрамасы екі жүлдені жеңіп алды. Мәдениет және спорт министрлігі Спортты дамыту дирекциясының хабарлауынша, бұл сында спортшыларымыз командалық жарыста күміс және қола медаль иеленді.

Көркем гимнасшылар шығыршық жаттығуының финалында 28,15 ұпаймен екінші орынға ие болды. Қазақстан командасының құрамында Айдана Шаяхметова, Әсел Шүкірбай, Аяулым Қадір, Аружан Қасенова, Аружан Қалсаева, Ақсұңқар Әбдірахман өнер көрсетті.

Алтын жүлдені Қытай елінің гимнастшылары алды. Олар 33,40 ұпайға ие болды. Қола медаль алаң иелеріне бұйырды (27,95 ұпай).