Дархан Есенғали еркін күрестен Азия чемпионы атанды (ВИДЕО)
Кешкі сессияда тағы үш балуанымыз бозкілемге шығады
фото: ашық дереккөз
Қазақстан құрама командасының сапында еркін күрестен Азия чемпионатының финалына жолдама алған төрт балуанның арасында бірінші болып бозкілемге шыққан Дархан Есенғали 74 келіге дейінгі салмақта Азия чемпионы атанды. Ол жапон балуаны Кирин Киношиттаны 7:1 есебімен жеңді.
Бұған дейін Санжар Досжанов пен Болат Сақаев алтын медаль иегерлері атанған болатын.
Енді кешкі сессияда тағы үш балуанымыз құрмет тұғырының ең биік сатысына шығу үшін күреседі. Олар – Азамат Дәулетбеков (86 кг), Ризабек Айтмұхан (92 кг) және ауыр салмақтағы Жүсіп Батырмырзаев (125 кг).
