4 сәуірде Ақ үйде өткен протоколдық іс-шара барысында Қазақстанның АҚШ-тағы елшісі Ержан Ашықбаев АҚШ президенті Джозеф Байденмен қысқаша сұхбат өткізді. Оның барысында қазақстандық дипломат ҚР президенті Қасым-Жомарт Тоқаевтың ілтипат лебізін жеткізіп,  Қазақстан мен АҚШ арасындағы кеңейтілген стратегиялық әріптестікті ілгерілетуге бейілділігін атап өтті.

АҚШ басшысы екіжақты және аймақтық күн тәртібіндегі өзекті мәселелер бойынша екі ел арасындағы сындарлы серіктестіктің жалғасуын оң қабылдайтынын хабарлады.

Ержан Ашықбаев Қазақстанның АҚШ-тағы төтенше және өкілетті елшісі қызметіне 2021 жылдың 5 сәуірінде тағайындалды.