Павлодарда фармацевт дәріні шатастырып алған: үш жасар бала уланды
Фармацевттің үстінен қылмыстық іс қозғалды
![](https://halyq-uni.kz/cache/imagine/1200/uploads/news/2022/04/07/624e5b058f9b3722469667.jpg)
Павлодар полициясына кішкентай баланың улану фактісі бойынша хабарлама түскен. Анықталғандай, қала тұрғыны Лермонтов көшесіндегі дәріханалардың бірінде дәрігер жазып берген рецепт бойынша 2019 жылы туған балаға дәрі-дәрмек сатып алған.
Дәрі қабылдағаннан кейін бала өзін нашар сезініп, құса бастаған. Сосын оның ата-анасы дереу жедел жәрдем шақырып, бала ауруханаға «антидепрессанттармен улану» диагнозымен жатқызылған.
Белгілі болғандай, фармацевт қателесіп, қала тұрғынына басқа дәрі сатқан.
Аталған факт бойынша қылмыстық кодекстің 317-бабы («медицина немесе фармацевтика қызметкерінің кәсіби міндеттерін тиісінше орындамауы») бойынша сотқа дейінгі тергеу жүріп жатыр.