Павлодар облысында көлік банкоматқа соғылды (ВИДЕО)
Апатқа жүргізушінің жол қозғалысы ережесін сақтамауы себеп
Скрин видео
Екібастұзда автомобиль банкоматқа соғылды, деп хабарлады Павлодар облысы полиция департаментінің баспасөз қызметі.
Оқыс оқиға таңғы сағат 07:50 шамасында қаладағы Мұхтар Әуезов көшесінде болған.
Lada жүргізушісі жол қозғалысы ережесін сақтамай, BMW-ға соқтығысқан. Салдарынан екінші көлік ғимараттағы банкоматқа соғылды, - деп жазылған хабарламада.
Көлік апатынан ешкім зардап шекпеген. Полиция оқиғаның мән-жайын анықтап жатыр.
