Астанада Наурыз мерекесіне орай әзірленген ұлттық тағам рекорд орнатты, деп хабарлады Halyq Uni тілшісі.

Елорда әкімдігінің мәліметінше, Қазақстан рекорды орнатылғанын куәландыратын сертификат Астана әкімдігіне және Байқоңыр ауданының әкімдігіне берілген. Ұлттық қазынаға айналған дәмді дайындау үшін аспаздар тура бір күнін арнады. Оған жүздеген килограмм бидай, күріш және ет жұмсалды. Ататүрік саябағында өтіп бара жатқан адамдарға дайын өнім ұсынылды.

Екі тоннадан астам наурыз көже — абсолютті рекорд. Бұрын бұл көрсеткіш түркістандықтарға тиесілі болатын. Екі жыл бұрын олар 2 мың литр наурыз көже пісірген. Бүгін бұл рекорд ресми түрде жаңартылды, — деді Гиннестің аймақтық қазақстандық рекордтар кітабының ресми өкілі Қуандық Құдайбергенов.

Аспаз Гүлнәр Жұмабекованың айтуынша наурыз көже көлемі 60-тан 150 литрге дейінгі бас-аяғы 10 қазанда дайындалған. Ал осыдан кейін олар 95 литр болатыр 20 бидонға құйылды.

Естеріңізге сала кетейік, мереке күндері елорданың саябақтары мен алаңдарында Наурыз мерекесіне арналған мерекелік іс-шаралар өтіп жатыр. Ашық алаңдарда тарихымыздың ұлы тұлғаларына арналған киіз үйлердің көрмесі ашылды. Мұнда қазақстандық эстрада жұлдыздарының, қала әртістерінің және шығармашылық ұжымдардың қатысуымен концерттер ұйымдастырылды. Мереке қонақтарына бауырсақтар, ыстық тағамдар мен басты тағам – наурыз көже үлестіріледі.

Сондай-ақ, ашық аспан астында мерекелік көңіл күй сыйлау үшін түрлі-түсті фотоаймақтар, алтыбақан дайындалды. Жекелеген спорт алаңдарында ұлттық спорт түрлері бойынша жарыстар өткізіледі.