Шымкентте екінші жер сілкінісі болуы мүмкін деген ақпарат шындыққа жанаспайды, деп хабарлайды otyrar.kz.

«Қала тұрғындарын үрейленбеуді, тек ресми ақпаратқа сенуді сұраймыз», - деді ведомствода.

Шымкент төтенше жағдайлар департаменті көрінеу жалған ақпарат таратқаны үшін қылмыстық жауапкершілік қарастырылғанын еске салды.

Айта кетейік, 21 наурызда сағат 22.47-де Шымкентте 3 балдық жер сілкінісі тіркелді. Зардап шеккендер мен қираған ғиамараттар жоқ.

Жер сілкінісінің ошағы Ауғанстанда болды. Қазақстан бойынша жер сілкінісі Тараз, Алматы, Астана, Қызылорда, Түркістан облыстарында да сезілді.