Денсаулық сақтау вице-министрі тағайындалды
Тиісті құжат жарияланды
![](https://halyq-uni.kz/cache/imagine/1200/uploads/news/2022/04/04/624ad2ce958e5461284140.jpg)
Вячеслав Дудник денсаулық сақтау вице-министрі болып тағайындалды.
Үкімет қаулысымен Вячеслав Юрьевич Дудник денсаулық сақтау вице-министрі лауазымына тағайындалды, – дейді премьер-министрдің баспасөз қызметі.
ВЯЧЕСЛАВ ДУДНИК
1963 жылы Қостанай облысында туған.
Қарағанды мемлекеттік медицина институтын, Қазақ экономика, қаржы және халықаралық сауда университетін, Халықаралық бизнес академиясын, Ресей халық шаруашылығы академиясын, Швейцарияның Еуропалық университетін тәмамдаған.
Еңбек жолын 1983 жылы – Қарағанды облыстық клиникалық ауруханасының бірінші хирургия бөлімінде мейіргер болып бастады.
1987-1997 жылдары – Қостанай облыстық онкологиялық диспансерінде онколог-дәрігер, онколог-хирург болып жұмыс істеді.
1997-2005 жылдары – Қостанай қаласының медицина ұйымдарында бас дәрігер орынбасары, бас дәрігер болып қызмет етті.
2005-2006 жылдары – Астана қаласы денсаулық сақтау департаменті директорының м. а., директоры.
2006-2008 жылдары – Оңтүстік Қазақстан облысы денсаулық сақтау департаменті директорының емдеу-алдын алу жұмысы жөніндегі орынбасары, Оңтүстік Қазақстан облысы денсаулық сақтау департаментінің директоры.
2008-2009 жылдары – Президент іс басқармасы медициналық орталығының бастығы.
2009-2017 жылдары – Президент іс басқармасы медициналық орталығы құрылымында жұмыс істеді.
2018-2021 жылдары – Қостанай облысы денсаулық сақтау басқармасы басшысының м.а., басшысы.