Елжаңа Таниева Әлем кубогында қола жүлдегер атанды
Бұған дейін ол осы жарыста 7-орын иеленген еді
фото: ашық дереккөз
Қазақстандық гимнастшы Елжаңа Таниева Грекияның астанасы – Афина қаласында өткен Әлем кубогы кезеңінің қола жүлдегері атанды.
Ол төрешілер тарапынан 31.550 ұпай алып, 3-орынға ие болды. Сонымен қатар, Елжаңа Таниева таспа финалында өнер көрсетіп, жүлделі орынға бір қадам жетпей, 4-орынды қанағат тұтты.
Елжаңа Таниева жақында ғана Испанияда өткен Әлем кубогы кезеңінде ұршықпен жаттығудың шешуші сынында 7-орын иеленген еді. Енді міне, ол араға бір апта салып, осы турнирде үздіктер қатарынан көрініп отыр.
