ШҚО-да ресейлік жүк тиелген 18 вагон рельстен шығып кетті
Оқиға салдарынан қаза болғандар мен зардап шеккендер жоқ
![](https://halyq-uni.kz/cache/imagine/1200/uploads/news/2022/04/04/624a6b6411d14180182752.jpg)
Шығыс Қазақстан облысында жүк тиелген 18 вагон рельстен шығып кетті. Бұл туралы ҚТЖ ұлттық компаниясы АҚ баспасөз қызметі хабарлады.
3 сәуір сағат 12:04-те Шығыс Қазақстан облысының Өскемен – Күмістау теміржол учаскесінде жүк пойызының 18 вагоны рельстен шығып кетті. Пойыз сағатына 37 км жылдамдықпен жүрген. Руда тиелген екі вагон - Ресей меншігі. Шлак тиелген тағы 16 вагон «КазцинкТемірТранс» ЖШС-не тиесілі.
ҚТЖ баспасөз қызметінің хабарлауынша, оқиға салдарынан қаза болғандар мен зардап шеккендер жоқ. Болған жағдайдың себеп-салдарын тексеріп, анықтау үшін ҚТЖ басшыларынан комиссия құрылған.