×

Қазақстанға Путин келеді

ҚХР және РФ-мен стратегиялық серіктестіктің қазіргі жай-күйі талқыланды

 Дастан Жұмабекұлы 14.03.2023 | 15:44
фото: ашық дереккөз

Мемлекет басшысы Қасым-Жомарт Тоқаев Ресей Федерациясының елшісі Алексей Бородавкинмен және Қытай Халық Республикасының Қазақстандағы елшісі Чжан Сяомен кездесті.

Ресей елшісімен кездесуде мемлекет басшысы РФ президенті Владимир Путиннің Қазақстанға сапарының, сондай-ақ биыл күзде Қостанайда өтетін XIX Өңіраралық ынтымақтастық форумын өткізудің маңыздылығын атап өтті.

Бұдан басқа, Қазақстан мен Ресей арасындағы жан-жақты стратегиялық серіктестіктің қазіргі жай-күйі мен перспективалары талқыланды.

Қытай Халық Республикасының Қазақстандағы елшісі Чжан Сяомен кездесуде биыл мамыр айында Сиань қаласында өтетін «Орталық Азия + Қытай» саммитінің және президент Қасым-Жомарт Тоқаевтың ҚХР-ға жоспарланған мемлекеттік сапарының өзектілігі сөз болды.

Сондай-ақ екіжақты қатынастарды одан әрі нығайту, экономикалық, инвестициялық және мәдени-гуманитарлық байланыстарды кеңейту маңызды екеніне назар аударылды.

Мемлекет басшысы Қытай төрағасы Си Цзиньпиннің Украинаға қатысты жағдайды саяси тұрғыда реттеу жөніндегі бітімгершілік әрекетіне жоғары баға берді.

Серіктес жаңалықтары

Сараптама