Қазақстанның 3 өңіріне қауіп төніп тұр
10 -12 наурыз аралығында Жетісу, Алматы облыстарында және Алматы қаласы маңында су тасқыны болуы мүмкін
Фото: qyzylqoga.kz
Алдағы күндері бірнеше өңірдегі су тасқыны болуы мүмкін.
Бұл туралы «Қазгидромет» РМК хабарлады.
«10 -12 наурыз аралығында Жетісу, Алматы облыстарында және Алматы қаласы маңындағы аймақтарда жауын-шашынның көп түсуіне, сондай-ақ температуралық фонның жоғарылауына байланысты қар, мұз жылдам еріп, өзендерде су деңгейі көтеріледі. Аталған өңірлерде су тасқыны болуы мүмкін», - делінген хабарламада.
