Футзалдан Қазақстан құрамасы әлем чемпионатының екінші іріктеу турнирінің бесінші тобында Словения командасымен кездесіп, жарыстың элиталық сатысына жолдама алды.

Кездесу 3:3 есебімен аяқталды. Матчта Альтерт Ақбалықов, Дәурен Тұрсағұлов пен Тайнан гол салды. Сөйтіп, Қазақстан 10 ұпай жинап, 1-орынмен аяқтады.

Қазақстан екінші іріктеу сынындағы алғашқы ойынын Словения құрамасымен өткізген болатын. Бұл кездесуде отандастарымыз қарсыластарын 2:0 есебімен жеңген. Одан кейін ел құрамасы Черногорияны 7:0, 5:1 есебімен ұтты.  

Ел құрамасы әлем чемпионатының финалдық сатысында 2000, 2016, 2021 жылдары ойнаған. 2021 жылы 4-орын иеленген болатын.

2024 жылғы әлем чемпионаты өтетін ел әзірше анықталған жоқ. Ол келесі жылдың қыркүйек-қазан аралығында өткізіледі деп жоспарланып отыр.