2 облыста жол жабылды
6 наурыз сағат 07:10 ақпаратқа сәйкес, 2 облыста ауа-райының қолайсыздығына байланысты республикалық маңызы бар автожолдардың 2 учаскесінде қозғалысқа уақытша шектеу енгізілді.
Бұл туралы Республикалық маңызы бар автомобиль жолдарының ұлттық операторы хабарлады.
Ұлттық оператордың мәліметтеріне қарағанда, Ақтөбе облысында «Самара-Шымкент» тасжолының Ақтөбе қаласынан Қарабұтақ ауылына дейінгі аралығында көліктің барлық түрі үшін жол қозғалысына шектеу енгізілді.
Қарағанды облысында «Алматы-Екатеринбург» тасжолының Жұмабек ауылынан Балқаш қаласына дейінгі аралығында көліктің барлық түрі үшін қозғалыс шектелді.