×

Оқу-ағарту министрі полицияға барды

Ол 4 мыңнан аса оқушы білім алатын №1 мектеппен байланысқа шықты

 Дәурен Ерболат 03.03.2023 | 10:56
Фото: polisia.kz

Оқу-ағарту министрі Ғани Бейсембаев Шымкентке қызметтік сапармен барды, деп хабарлады Polisia.kz.

Ол қаладағы полиция департаментінде болып, жедел басқару орталығының жұмысымен танысты.

Шымкент қаласы полиция департаментінің басшысы Қайрат Далбековтың айтуынша, бүгінде шаһарда 246 мектеп бар.

Оның 151-і – мемлекеттік, 95-і – жеке меншік. Онда бейнебақылау камералары мен SOS дабыл батырмасы орнатылған. Олардың барлығы полиция департаментінің жедел басқару орталығына қосылды. Тәртіпті бейнебақылау инспекторы қадағалайды. Бұл мектептегі балалардың қауіпсіздігін қамтамасыз етуге мүмкіндік береді, - деді басшы.

Сондай-ақ білім ордаларында мамандандырылған күзет қызметінің бары атап өтілді.

Нәтижесінде былтыр кәмелетке толмағандар арасында қылмыс пен құқықбұзушылықтың төмендеу процесі байқалды. Дегенмен шешімін таппаған мәселелер де бар. Мысалы, жедел басқару орталығындағы интернет жылдамдығы мен күзет қызметі мамандарының кәсіби қабілетіне байланысты, – деді Қайрат Дәлбеков.

Министр мектепте бейнебақылау камераларын орнатқанда оның сапасына назар аудару керектігін атап өтті. Сондай-ақ Ғани Бейсембаев SOS батырмасының қалай жұмыс істейтінін тексерді. Ол 4 мыңнан аса оқушы білім алатын №1 мектеппен байланысқа шықты.

Соңында ведомство басшысы Қайрат Далбековке және полиция қызметкерлеріне алғыс айтып, балалардың қауіпсіздігін қамтамасыз ету маңызды жұмыс екенін атап өтті.

Серіктес жаңалықтары

Сараптама

«Өзенмұнайгаз» АҚ-да анықталған 160 бұзушылық бойынша тергеу жүргізіліп жатыр

101 фактіге қатысты жауапты тұлғаларға тәртіптік жаза қолданылатын болады
03.06.2023 | 14:33

«250 қолөнерші қатысады»: Астанада «Аламан құрақ» жәрмеңкесі өтеді

Жоба «Қазақ елі» алаңында өткізіледі
03.06.2023 | 14:10

Қазақстандық ғалымдар аллергия мен демікпені емдейтін вакцина әзірледі

Ол бойынша техникалық құжаттама жасалды
03.06.2023 | 13:30