Каспий жағалауынан бірге көмілген 18 адамның қаңқасы табылды
Олардың бассүйегінен оқ көлеміндей тесіктер анықталған
фото: дереккөз
Дағыстанда адамдардың сүйегі көмілген орын табылды. Бұл жағдайға қатысты тергеу жұмыстары басталды.
Бұл туралы Дағыстанның республика бойынша Тергеу комитеті департаментінің баспасөз қызметі хабарлады. Ведомство мәліметінше, ол қалдықтар 30-жылдарға тиесілі болуы мүмкін.
Ал Baza Telegram арнасының нақтылауынша, Махачкала мен Каспий теңізінің аралығындағы «Джами» қонақ үйінің аумағында құрылыс жұмыстары кезінде 18 адамның қаңқасы табылған. Олардың бассүйегінен оқ көлеміндей тесіктер анықталған.
