Қостанай облысында денесінде зорлық белгілері бар 50 жастағы ер адамның мәйіті табылды, деп хабарлады Halyq Uni тілшісі.

Полиция қызметкерлерінің мәліметінше, 23 ақпанда жергілікті тұрғын Лисаков қаласының полиция бөліміне өзінің ағасын 4 ай бойы көрмегенін айтып жүгінген. Айтуынша, ағасы қоңырауларға жауап бермеген, қайда екені белгісіз.

Жедел-тергеу тобы тұрғылықты жерді іздестіру барысында денесінде зорлық белгілері бар жоғалған 50 жастағы ер адамның мәйітін тапты.

Қылмыс жасады деген күдікпен жәбірленушінің 51 жастағы әйелі ұсталды. Ол қазір мінез-құлқындағы ауытқушылыққа байланысты жүйке жүйесі аурулары ауруханасына жатқызылған.

Аталған дерекке қатысты ҚР ҚК 106-бабының 3-бөлігі («Жәбірленушінің өліміне әкеп соқтырған денсаулыққа қасақана ауыр зиян келтіру») бойынша сотқа дейінгі тергеу іс-әрекеттері жүргізіліп жатыр.