«Бешикташ» және «Антальяспор» футбол клубтарының жанкүйерлері матч кезінде жер сілкінісі салдарынан зардап шеккендердің құрметіне жасыл алаңға жұмсақ ойыншықтарды лақтырды, деп хабарлады CBS Sports.

Жанкүйерлер ойыншықтарды матчтың 4-минуты, 17-секундында лақтыра бастаған.

Айта кетейік, Түркияның оңтүстік-шығысындағы табиғи апат 6 ақпанда сағат 04:17-де басталған еді. Осы уақытта жер сілкінісінен қаза тапқандарды еске алу үшін ойын бірнеше минутқа тоқтатылды.

Белгілі болғандай, алаңға үйіліп қалған ойыншықтар жер сілкінісі салдарынан зардап шеккендердің балаларына жіберіледі.