Алматы, Жамбыл, Жетісу және Түркістан облыстарында өзендерде су деңгейі көтеріліп, тасқын болуы мүмкін. Бұл туралы «Қазгидромет» РМК хабарлады.

27 ақпанға дейін Түркістан, Жамбыл, Жетісу, Алматы облыстарында және Алматы қаласы маңындағы аймақтарда жаңбыр және жылбысқы қар түріндегі қатты жауын-шашын болжанып отыр.

Сондай-ақ температуралық фонның жоғарылауына байланысты қарқынды қар еруі, еріген қар және беткейлік ағындының қалыптасуы, мұздық құбылыстардың әлсіреуі және өзендерде су деңгейлерінің көтерілуі күтіледі. Бұл ретте судың жайылуы және тасқыны болуы мүмкін», – делінген хабарламада.