Алматы облысында еріген қар суын бұруға байланысты республикалық тас жолдың бір бөлігі жабылды, деп хабарлады Halyq Uni тілшісі.

«ҚазАвтоЖол» ҰК» АҚ-ның мәліметінше, Жамбыл облысының шекарасынан Междуреченск кентіне дейін және Бұрылбайтал ауылынан Ақсүйек ауылына дейінгі «Екатеринбург-Алматы» трассасының екі учаскесінен басқа республикалық маңыздағы тасжолдар барлық бағытта ашық. Қозғалыс шектелген екі жол бөлігінде еріген қар суын бұру жұмыстары жалғасып жатыр.

Айналма жолдың 2156 шақырымында (43 ПК) 8 су өткізу құбыры орнатылды. Сондай-ақ, ұзындығы 350 метрден асатын учаскеде үйінді төсеу және нығайту жұмыстары жүргізілді, 20-40 қиыршық тас жабынының қабатын төгу жұмыстары жүргізілу үстінде.

2192 шақырымда (ПК 401), екінші учаскеде қалпына келтіру жұмыстары аяқталды.

Айналма жолдың 2213 шақырымында, яғни үшінші учаскеде (ПК 609) 2 су өткізу құбыры орнатылды. Қазір соңғы үшінші су өткізу құбырын орнату және үйінді төгу жұмыстары жүргізіліп жатыр.