Ақпарат және қоғамдық даму министрлігі танымал журналист Вадим Борейконың әріптесіне қатысты болған оқиғаға пікір білдірді, деп хабарлады ведомствоның баспасөз қызметі.

Алматы қаласының полиция департаменті бұл дерек бойынша сотқа дейінгі тергеп-тексеру амалдарын жасап, тиісті сараптама тағайындады. Мәселенің мән-жайы нақтыланып жатыр.

АҚДМ журналистік қызметке кедергі келтіруге жол бермейді және барлық қажет көмекті көрсетеді, - деп жазылған хабарламада.

Бұған дейін журналист Вадим Борейко Facebook-те операторына тиесілі көліктердің өртеніп жатқанын жазып, видеосын жүктеген болатын.