Солтүстік Қазақстан облысы Мағжан Жұмабаев ауданының полицейлері Булаев қаласындағы үйлердің бірінде 14 жастағы қызды зорлаған күдіктіні ұстады.

Қазір ҚР Қылмыстық кодексінің 120-бабы 1-тармағының 3-1-бөлігі («Зорлау») бойынша сотқа дейінгі тергеу басталды. Қызды зорлаған күдікті осы қаланың 23 жастағы тұрғыны болып шықты. Ол уақытша ұстау изоляторына қамалды.

ҚР ҚПК-нің 201-бабына сәйкес өзге ақпарат жария етілмейді. Азаматтардан тек тексерілген, расталған ресми ақпаратқа назар аударуды сұраймыз. Сондай-ақ Мағжан Жұмабаев ауданының полиция бөліміне мектеп оқушысының сыныптастарын пышақпен қорқыту фактісі бойынша өтініштер түспегенін хабарлаймыз, – делінген СҚО ПД хабарламасында.

Қазір полиция қызметкерлері осы факті бойынша тексеріс жүргізіп жатыр.