Биыл ол екінші рет Әлем кубогының иегері болды
Денис Никиша Нидерландтың Дордрехт қаласында өтіп жатқан шорт-тректен Әлем кубогының қорытынды бесінші кезеңінде үздік атанды. Ол 500 метрге жарыста жалпы есепте 402 ұпаймен бірінші орын алды.
Ол былтыр АҚШ-тың Солт-Лейк-Сити қаласында өткен Әлем кубогы кезеңінде күміс жүлде жеңіп алған еді. Одан кейін Алматыда өткен екі кезеңде алтын, күміс және қола медальді иеленген болатын. Енді міне, шорт-трекші Нидерландта Алматыдағы нәтижесін қайталап, Әлем кубогында мәреге тағы да бірінші келіп жетті.
Осы жарыста Абзал Әжіғалиев үздік ондықтан (8-орын) көрінді.