Полиция оқиғаның мән-жайын анықтап жатыр
Ақтауда полиция өзін жеке кәсіпкермін деп таныстырып, тұрғындарды 7 млн теңгеге алдаған күдіктіні ұстады, деп хабарлады Polisia.kz.
Қалалықтар полицияға өздерінің жеке кәсіпкерге алданып қалғанын айтып, шағым түсірген.
Алаяқтық жасаған әйел тұрғындардың сеніміне кіріп, олардан жеміс-жидек және балық өнімдерін алды. Алайда оның ақшасын бермеді. Жәбірленушілерге келтірілген залал сомасы – 6,9 млн теңге, - деп жазылған хабарламада.
Криминалдық полицейлер республикалық Anti fraud жедел алдын алу іс-шарасы барысында 37 жастағы күдіктіні ұстады.
Бұл факті Қылмыстық кодекстің 190-бабы («Алаяқтық») бойынша Ақтау қаласы полиция басқармасының сотқа дейінгі тергеп-тексерудің бірыңғай тізілімінде тіркелді, - деп жазылған хабарламада.
Өзге мәлімет тергеу мүддесіне сәйкес жарияланбайды.