Түркиядағы жер сілкінісінен ерлі-зайыпты волейболшылар қаза тапты
Зілзаладан Бетюль Чобан Чакыр мен оның жолдасы Бедреддин Чакыр көз жұмды
Фото: voleybolaktuel.com
Түркияның Кахраманмараш қаласындағы жер сілкінісі салдарынан волейболшы Бетюль Чобан Чакыр мен оның жолдасы Бедреддин Чакыр қаза тапты, деп хабарлады voleybolaktuel.com.
Бетюль Чобан Чакыр көп жылдан бері Газиантептің «Меринос» волейбол клубында өнер көрсетті. Оның жұбайының да волейболға қатысы бар болғанымен, ол кәсіпқой ойыншы болған емес.
Соңғы мәліметтер бойынша Түркиядағы екі жойқын жер сілкінісінен қаза тапқандар саны 5834-ке жетті. 34 810 адам жарақат алды, деп хабарлады Анадолу агенттігі.
