×

Абай, Жетісу, Ұлытау: Жаңа облыстарды құру алгоритмі әзірленді

Мемлекет басшысы Ұлттық экономика министрі Әлібек Қуантыровты қабылдады

 Ербол Тұрымбет 24.03.2022 | 23:30
көрнекі фото: Жезқазған қаласы

Қасым-Жомарт Тоқаевқа министрліктің биылғы атқаратын негізгі міндеттері, сондай-ақ пандемиядан кейінгі кезеңдегі экономиканы дамытуға көшу шаралары жөнінде және оның сыртқы сын-тегеуріндерге төтеп беруіне қатысты ақпарат берілді.

Әлібек Қуантыров халықтың табысын арттыру бағдарламасы мен инфляцияны бақылау және төмендету жөніндегі кешенді шаралардың жүзеге асырылуы туралы баяндады.

«Мемлекет басшысы Қазақстан халқына жолдауы аясында еліміздің әкімшілік-аумақтық құрылымын өзгерту жөнінде нақты міндет жүктеді. Қазіргі уақытта комиссия жасақталып, жаңа облыстарды құру жұмыстарының алгоритмі әзірленді», - делінген Ақорда хабарламасында.

Кездесу қорытындысы бойынша Қасым-Жомарт Тоқаев макроэкономикалық тұрақтылықты қамтамасыз ету, экономиканы әртараптандыру және жаңа жұмыс орындарын ашу, экономикадағы мемлекеттің үлесін азайту, сондай-ақ тұрғындар мен кәсіпкерлерге қолдау көрсету жөнінде бірқатар тапсырма берді.

Серіктес жаңалықтары

Сараптама