2022 жылдың қыркүйегінде Ақтөбе облысының мамандандырылған ауданаралық соты «Ақтөбе өндірістік компаниясы» ЖШС банкротқа ұшыраған басқарушысының, яғни Қазақстанның экс-президентінің інісі Болат Назарбаевтың үстінен берген талап-арызы бойынша шешім шығарды. Бұл туралы Liter.kz хабарлады.

Компания 2022 жылы банкротқа ұшыраса да, жұмысын ұзақ уақыт тоқтатпаған.

Айта кетсек, 2007-2012 жылдар аралығында ЖШС «Кеңестік алкоголь индустриясы» (СовАлкоПром) деген атаумен этил спиртін шығарған.

2012 жылы компания иелерін толығымен ауыстырды. Кенет құрылтайшылар қатарына Болат Назарбаев пен Тахир Гусейнов кіріп, компания атауы «BN Aktobe» ЖШС болып өзгертілген. Кәсіпорынның атауы енді алкогольге қатысты болмаса да ЖШС этил спиртін өндіруді жалғастырып отырды.

2018 жылы компанияның атауы «Ақтөбе өндірістік компаниясы» ЖШС болып қайта тіркеліпті. Яғни, одан Болат Назарбаевтың қысқартылған аты-жөні алынып тасталды. Бірақ ол да, серіктесі Тахир Гусейнов те әлі күнге дейін оның иелері болып қала берді.

Ал 2022 жылы банкроттық жөніндегі менеджердің Болат Назарбаевқа қарсы шағымы бойынша сот процесі басталған.

Сот отырысында белгілі болғандай, 2013 жылы зауыттың қожайыны атанған Болат Назарбаев 1,5 млрд теңгеге несие шартын жасасқан. Оның айтуынша, Назарбаев бұл ақшаны 10 жыл ішінде, пайызсыз несие шартымен компанияға біртіндеп құйып жатыр.

Дегенмен бұл қаржы толық өтелді ме, жоқ па, белгісіз. 2020 жылдың 2 сәуіріндегі жағдай бойынша компанияның Болат Назарбаев алдындағы қарызы 1,2 млрд теңге болды. Оны өтеу үшін ЖШС барлық мүлкін аукцион арқылы сатуға тырысады, бірақ олар сәтсіздікке ұшырайды. Болат Назарбаев болса, компанияның барлық активін 751 миллион теңгеге сатып алады.

Назарбаевтың ақшасын төлеп, 2021 жылы компания банкротқа ұшырап, банкроттыққа шағымданған.

Бұл ретте банкроттық жөніндегі менеджер Кеңес Дүйсебаев болған. 2022 жылы ол келісімді жарамсыз деп тану үшін Болат Назарбаевты сотқа берген. Алайда сотқа жауапкер де, оның өкілі де келмеді.

Нәтижесінде сот талап арызды ішінара қанағаттандырып, жалған мәміле белгілерін анықтап, 1,5 млрд теңге несие шартын жарамсыз деп таныды. Кепіл келісімі мен бітімгершілік келісімі де жойылып, Назарбаевтың өзі банкротқа ұшыраған компанияға 448 миллион теңге көлеміндегі тыйым салынған мүлікті қайтаруға міндеттелді.