Павлодар облыстық сотының судьясы облыстық полиция департаментінің экс-басшысы Нұрлан Мәсімовтің ісі бойынша арызды қараудан өздігінен бас тартты. Бұған сотқа дейінгі тергеу тобының құрамында оның жиенінің болуы себеп.

Прокурордың өтінішхаты судья Гомар Суханқұловтың атына берілді. Қылмыстық іс жүргізу кодексіне сәйкес, ол қылмыстық істі қараудан өздігінен бас тарту туралы мәлімдеуге міндеттеледі. Тиісті арызды сот алқасының төрағасы қарады.

Қылмыстық іс материалдары бойынша тергеуге осы іс бойынша сотқа дейінгі тергеп-тексеруге судья Суханқұловтың туысы, яғни оның жиені, Сыбайлас жемқорлыққа қарсы іс-қимыл агенттігінің Павлодар облысы бойынша департаментінің қызметкері Суханқұловтың қатысқаны анықталды. Іс материалдарында оның қатысуымен жүргізілген іс жүргізу құжаттары (хаттамалар, сараптамалық тағайындау және т.б.) бар, - делінген Павлодар облыстық сотының қаулысында.

Айта кетсек, Қылмыстық іс жүргізу кодексінің 87-бабы 1-бөлігі 5-тармағына сәйкес егер судья тергеушінің немесе анықтаушының туысы болса, істі қарауға қатыса алмайды. Сондықтан Горам Суханқұловтың арызы қанағаттандырылды. Айыпталушылар Мәсімов, Сиразидимов және Евковичке қатысты қылмыстық іс басқа судьяның қарауына жіберілді.