Олардың жүріп-тұру тәртібіне өзгерістер енгізілді
Елімізге визасыз келген шетелдіктер тек 30 күн болады алады. Бұл туралы ІІМ өкілі Шұғыла Тұрлыбек айтты, деп хабарлады Halyq Uni тілшісі.
27 қаңтардан бастап Қазақстанда жаңартылған көші-қон ережелері күшіне енді. Енгізілген өзгерістерге сәйкес, елімізге визасыз келген шетелдіктер елде 30 күн ғана бола алады. 6 ай ішінде визасыз келген шетел азаматтарының елде болу мерзімі 90 күннен аспауы керек. Елімізге келген ЕАЭО азаматтары үшін 180 күн ішінде 90 күннен аспайды. Бұрынғы талапта бұл мәселе реттелмеген, яғни шетелдіктер Қазақстанда жүріп-тұру мерзімі аяқталғаннан кейін елден кетіп, қайта келіп, мерзімді жаңарта алатын еді, - деді Шұғыла Тұрлыбек ІІМ-де өткен брифингте.
Ол жаңа ереженің уақытша тұру рұқсаты немесе визасы бар шетелдіктерге қатысы жоғын атап өтті.
«Ереже «Халықтың көші-қоны туралы» заңның 6-бабына сәйкес келтірілген. Шетел азаматтарының Қазақстанда жүріп-тұру ережесін бұзу фактісі анықталған жағдайда Шекара қызметі «Халықтың көші-қоны туралы» заңның 48-бабына сәйкес шара қолданады», - деді ІІМ өкілі.