Петропавл қаласының полицейлері із-түзсіз жоғалған қыздың мекенжайын анықтады
Солтүстік Қазақстан облысының полицейлері із-түзсіз жоғалған 23 жастағы Петропавл тұрғынын тапты.
Бұған дейін әлеуметтік желілерде Мамлютка ауданының із-түзсіз жоғалып кеткен 23 жастағы тұрғыны Алена Пяткова туралы хабар тараған. Қыздың туыстары оны өз бетімен іздеп көрген. 16 қаңтарда олар аудандық ішкі істер бөліміне арызданған.
«Қазіргі таңда Петропавл қаласының полицейлері із-түзсіз жоғалған қыздың мекенжайын анықтады. Одан жауап алынып, бұл туралы арызданушыларға хабарланды. Қалған мән-жайлар қазір анықталып жатыр», - делінген хабарламада.